Datganiad Gweithredol

Diolch am ymweld â gwefan FibreSpeed.

Mae busnes FibreSpeed yn grŵp Geo yn ganlyniad cydweithredu unigryw rhwng Llywodraeth Cynulliad Cymru a Geo, prif fusnes rhwydwaith ffibrau dynodedig y Deyrnas Unedig. 

Mae gwreiddiau’r busnes yn awydd Llywodraeth Cynulliad Cymru i fuddsoddi mewn isadeiledd cyfathrebu newydd er mwyn rhoi Cymru wrth galon economi’r Deyrnas Unedig. Cafodd prosiect FibreSpeed ei lunio er mwyn ffurfio rhwydwaith ffibrau optig newydd gyda’r gorau yn y byd, gan ddechrau yng Ngogledd Cymru, ac yna cyflenwi gwasanaethau i’r farchnad gan ddefnyddio’r model rhwydweithio “mynediad agored” lle mai’r amcan yw gwneud y defnydd gorau o’r isadeiledd – nid cyfyngu’r mynediad i un cwmni a chadw prisiau’n uchel.  

Dyma lle camodd Geo i mewn. Gan ei fod eisoes wedi lansio rhwydweithiau mynediad agored yn genedlaethol yn y Deyrnas Unedig a, gan ddefnyddio’r rhwydwaith garthffosiaeth, yn Llundain, mae Geo’n deall beth sydd ei angen i baratoi’r fath fusnes ar gyfer y farchnad.

Y canlyniad yw FibreSpeed: cwmni sy’n gwerthu dim ond i ddarparwyr gwasanaeth y diwydiant cyfathrebu ar brisiau y gellir eu cymharu â rhannau mwyaf cystadleuol y Deyrnas Unedig, gan ddod ag arloesiad a rhagoriaeth gwasanaeth fforddiadwy i fusnesau Cymru. Mae’r gwasanaethau yma’n amrywio o ffibrau optig dynodedig a chydleoli hyd at wasanaethau sefydlog a diwifr wedi eu rheoli. 

Rwy’n gweld y busnes newydd arloesol a phwysig hwn yn un hynod gyffrous ac yn ei weld hefyd yn parhau i ychwanegu gwerth sylweddol i economi Cymru yn y blynyddoedd i ddod.

Chris Smedley
Prif Weithredwr